മനസ്സിന്‍റെ രസതന്ത്രം
ഫാ.ഡോ. ഏ.പി.ജോര്‍ജ്ജ്
ക്ലിനിക്കല്‍ സൈക്കോളജിസ്റ്റ്, ബെത്സാദാ മെന്‍റല്‍ ഹെല്‍ത്ത് സെന്‍റര്‍
മസ്തിഷ്കത്തിലെ ന്യൂറോണുകള്‍ക്കിടയില്‍ ഇലക്ട്രിക് സിഗ്നലുകള്‍ വഹിക്കുന്ന കെമിക്കല്‍ മെസഞ്ചേഴ്സാണ് ന്യൂറോ ട്രാന്‍സ്മിറ്ററുകള്‍. ബ്രെയിനിലെ അനേകം ന്യൂറോ ട്രാന്‍സ്മിറ്ററുകളില്‍ മാനസികാരോഗ്യവുമായി ഏറ്റവും ബന്ധപ്പെട്ടവ ഡോപമൈനും സെറോട്ടോണിനുമാണ്. ഓര്‍മ്മശക്തി, വിശപ്പ്, സെക്സ്, മൂഡ് എന്നിവയെ സ്വാധീനിക്കുന്ന ഈ ഘടകങ്ങളുടെ അസന്തുലിതാവസ്ഥ ആസക്തി, ഏകാഗ്രത കുറവ്, ഓര്‍മ്മശക്തി തകരാറുകള്‍, വൈകാരിക ക്രമക്കേടുകള്‍ എന്നിവയ്ക്ക് കാരണമാകാറുണ്ട്.
ന്യൂറോ ട്രാന്‍സ്മിറ്ററുകളുടെ ഏറ്റക്കുറച്ചിലുകള്‍ ഫലപ്രദമായി നിയന്ത്രിക്കുവാന്‍ കഴിയുന്ന മരുന്നുകള്‍ ഫാര്‍മക്കോളജി വികസിപ്പിച്ചെടുത്തിട്ടുണ്ട്. ഈ മരുന്നുകള്‍ക്ക് പാര്‍ശ്വഫലങ്ങളുള്ളതുകൊണ്ട് മരുന്ന് ഒഴിവാക്കി മറ്റുവഴികളിലൂടെ പരിഹാരം തേടുന്ന രോഗികള്‍ അനവധിയാണ്. അവരെ ചൂഷണം ചെയ്യുന്ന സിദ്ധൗഷധലോബികള്‍ മെഡിക്കല്‍ വിദഗ്ദ്ധരെക്കാള്‍ നൂറിരട്ടിയാണ് മാര്‍ക്കറ്റില്‍.
മസ്തിഷ്കത്തിലെ ഡോപമൈന്‍, സെറോട്ടോണിന്‍ ഉല്‍പാദനവും പ്രവര്‍ത്തനക്ഷമതയും വര്‍ദ്ധിപ്പിക്കുന്ന ചില സ്വാഭാവിക ഉപാധികള്‍ പഠനത്തില്‍ വ്യക്തമായിട്ടുണ്ട്. എല്ലാവര്‍ക്കും പ്രത്യേകിച്ച് മാനസികപ്രതിസന്ധിയുള്ളവര്‍ക്ക് പരീക്ഷിച്ചുനോക്കാവുന്ന കാര്യങ്ങളാണിവ. ഗുണം മെച്ചം, വില സീറോ.
വ്യായാമം
ദിവസം മുപ്പതുമിനിട്ടെങ്കിലുമുള്ള വ്യായാമം മസ്തിഷ്കത്തിലെ സെറോട്ടോണിന്‍ നിലവാരം ഉയര്‍ത്തുമെന്നും വിഷാദവികാരങ്ങളേയും നിഷേധചിന്തകളേയും ലഘൂകരിക്കുമെന്നും പഠനത്തില്‍ വെളിപ്പെടുത്തുന്നു. ചലോ ഭായ്, ചലോ...
മദര്‍ നേച്വറിനോടൊപ്പം
മനുഷ്യന്‍ 24 മണിക്കൂറും പ്രകൃതിയില്‍ നിന്നകന്ന് അടച്ചിട്ട മുറികള്‍ക്കുള്ളില്‍ കൃത്രിമവൈദ്യുതി വെളിച്ചത്തിലാണ്. സൂര്യപ്രകാശപ്രഷാളനം വൈകാരിക സ്ഥിതിയും മനസ്സിന്‍റെ ഉന്‍ഷമെഷവും വര്‍ദ്ധിപ്പിക്കുമെന്നും സെറോട്ടോണിന്‍ ഡോപമൈന്‍ ഘടകങ്ങളുടെ സമന്വയത്തില്‍ സഹായകമാകുമെന്നും ഗവേഷണഫലങ്ങള്‍ വെളിപ്പെടുത്തുന്നു. പ്രകൃതം മാറ്റാന്‍ പ്രകൃതിയിലേക്ക് മടങ്ങൂ.
മൈന്‍റ് യുവര്‍ മെനു
കഫീന്‍ സെറോട്ടോണി ഡോപമൈന്‍ ലവല്‍ ഉയര്‍ത്തുന്നതായി പഠനങ്ങളില്‍ തെളിഞ്ഞിട്ടുണ്ട്. പക്ഷേ കഫീന്‍ അമിതമാകുമ്പോഴും നിര്‍ത്തുമ്പോഴും പാര്‍ശ്വഫലങ്ങള്‍ ഉണ്ടാകാറുണ്ട്. സാല്‍മണ്‍ പോലുള്ള മത്സ്യങ്ങളില്‍ കാണുന്ന ഓമേഗ -3 സെറോട്ടോണിന്‍ നിലവാരം ഉയര്‍ത്തുന്നതായും വിഷാദാവസ്ഥ ലഘൂകരിക്കുന്നതായും നിരീക്ഷിക്കപ്പെട്ടിട്ടുണ്ട്. ഉരുളക്കിഴങ്ങ്, തവിടുകളയാത്ത ഗോതമ്പ്ബ്രഡ്, ചോളം എന്നിവയിലെ ട്രിപ്റ്റോഫാന്‍ സെറോട്ടോണിന്‍ ഉറവകളെ സജീവമാക്കുമത്രേ. ഓമേഗ -3 ആളു പുലിയാണുകേട്ടോ.
ധന്യമാണ് ധ്യാനം
ധ്യാനവും ബ്രീത്തിംഗ് എക്സര്‍സൈസും ഡോപമൈന്‍ അളവ് വര്‍ദ്ധിപ്പിക്കുന്നതായും സംഘര്‍ഷം ലഘൂകരിച്ച് ആന്തരീക സമാധാനം വര്‍ദ്ധിപ്പിക്കുന്നതായും സ്ഥിരീകരിച്ചിട്ടുണ്ട്. മനസ്സിനെ ഇളക്കി മറിക്കുന്ന ഉപാസനാരീതികളല്ല ധ്യാനം കൊണ്ട് ഉദ്ദേശിക്കുന്നത്.
നന്ദി നമസ്കാരം!
ഉപകാരസ്മരണ മസ്തിഷ്കത്തിലെ റിവാര്‍ഡ് സിസ്റ്റത്തെ സ്വാധീനിക്കുന്നതായും കൂടുതല്‍ ഡോപമൈനും സെറോട്ടോണിനും ഉദ്ദീപിപ്പിക്കുന്നതായും പഠനങ്ങള്‍ വെളിപ്പെടുത്തുന്നു. ഓരോ ദിവസവും പരിഭവങ്ങളും പരാതിയും പറയുന്നതിനു പകരം ദൈവത്തോടും മനുഷ്യരോടും നന്ദി പറയാനുള്ള മൂന്നു കാര്യങ്ങളെങ്കിലും ഡയറിയില്‍ എഴുതുമെങ്കില്‍ സന്തോഷം വര്‍ദ്ധിക്കുകയും വിഷാദം കുറയുകയും ചെയ്യുമത്രേ! ഇതിനെ' three blessing exercise' എന്നാണ് പറയുന്നത്. ബി താങ്ക്ഫുള്‍ ആന്‍റ് ഗ്രേറ്റ്ഫുള്‍!
റോള്‍ സെറ്റിംഗ്
മനസ്സില്‍ ലക്ഷ്യങ്ങളുണ്ടാവുകയും ലക്ഷ്യത്തിലെത്തുവാന്‍ പരിശ്രമിക്കുകയും വിജയിക്കുകയും ചെയ്യുമ്പോള്‍ മസ്തിഷ്കം ഡോപമൈന്‍ റിലീസ് ചെയ്യുമത്രേ! കയ്യെത്തിപ്പിടിക്കുവാന്‍ കഴിയുന്ന ലക്ഷ്യങ്ങളുമായി ജീവിതയാത്ര തുടങ്ങൂ...
മധുരിക്കുന്നോര്‍മ്മകള്‍
ദുഃഖസ്മരണകളേക്കാള്‍ ആത്മഹര്‍ഷത്തിന്‍റെപഴയ ഫയലുകള്‍ മറിച്ച് വായിക്കുമ്പോള്‍ സെറോട്ടോണിന്‍ ഫാക്ടറി പ്രവര്‍ത്തന ക്ഷമമാകുമത്രേ. 'മധുരിക്കുന്നോര്‍മ്മകളെ മലര്‍മഞ്ചല്‍ കൊണ്ടു വരൂ കൊണ്ടുപോ ഞങ്ങളെയാ മാഞ്ചുവട്ടില്‍...'
ഹാവ് സം നോവല്‍ ഐഡിയാസ്
പുത്തന്‍ അനുഭവങ്ങളോട് മസ്തിഷ്കം പ്രതികരിക്കുന്നത് കൂടുതല്‍ ഡോപമൈന്‍ ചുരത്തിയാണ്. ആവര്‍ത്തനവിരസതയുടെ തടവറവിട്ട് പുത്തന്‍ അനുഭവങ്ങളിലേക്കും അഭിരുചികളിലേക്കും പഠനങ്ങളിലേക്കും കടന്നു ചെല്ലൂ.
സൈക്കോതെറാപ്പി
സൈക്കോ തെറാപ്പിയിലൂടെ വൈകാരികാവസ്ഥ ക്രമപ്പെടുത്തി മനോഭാവങ്ങള്‍ അനുകൂലമാക്കി മാറ്റുമ്പോള്‍ സെറോട്ടോണിന്‍റെ സംസ്ലേഷണം മസ്തിഷ്കത്തില്‍ നടക്കുകയും വിഷാദമേഘങ്ങള്‍ പറന്നകലുകയും ചെയ്യും. മരുന്നുപോലെ പ്രധാനമാണ് മനശ്ശാസ്ത്ര ചികിത്സയും.
ഈ സമീപനങ്ങളൊക്കെ മസ്തിഷ്കത്തിലെ ന്യൂറോട്രാന്‍സ്മിറ്ററുകളെ ഉദ്ദീപിപ്പിക്കുന്നതായി കണ്ടിട്ടുണ്ട്. എന്നാല്‍ അത് മെഡിക്കല്‍ കെയറിന് പകരമല്ല. മനോരോഗ വിദഗ്ദ്ധരുടെ മാര്‍ഗ്ഗനിര്‍ദ്ദേശത്തോടൊപ്പം ഈ ഉപാധികളും പരിഗണിക്കുന്നത് സ്വാഗതാര്‍ഹമാണ്.
മരുന്നുകഴിക്കുന്നതിലും സൈക്കോതെറാപ്പി സ്വീകരിക്കുന്നതിലും ലജ്ജിക്കേണ്ട കാര്യമില്ല. ശരീരത്തിലെ മറ്റവയവങ്ങളുടെ ചികിത്സപോലെ സാധാരണവും അത്യന്താപേക്ഷിതവുമാണ് മസ്തിഷ്കത്തിലെ രാസഘടകങ്ങളുടെ അസന്തുലിതാവസ്ഥയ്ക്കുള്ള ചികിത്സയും.
reference:
Young, S.N. (2007). How to increase serotonin in the human brain without drugs. Journal of Psychiatry and Neuroscience, 32(6), 394-399.
ഫാ.ഡോ. ഏ.പി.ജോര്‍ജ്ജ്
ക്ലിനിക്കല്‍ സൈക്കോളജിസ്റ്റ്, ബെത്സാദാ മെന്‍റല്‍ ഹെല്‍ത്ത് സെന്‍റര്‍
മസ്തിഷ്കത്തിലെ ന്യൂറോണുകള്‍ക്കിടയില്‍ ഇലക്ട്രിക് സിഗ്നലുകള്‍ വഹിക്കുന്ന കെമിക്കല്‍ മെസഞ്ചേഴ്സാണ് ന്യൂറോ ട്രാന്‍സ്മിറ്ററുകള്‍. ബ്രെയിനിലെ അനേകം ന്യൂറോ ട്രാന്‍സ്മിറ്ററുകളില്‍ മാനസികാരോഗ്യവുമായി ഏറ്റവും ബന്ധപ്പെട്ടവ ഡോപമൈനും സെറോട്ടോണിനുമാണ്. ഓര്‍മ്മശക്തി, വിശപ്പ്, സെക്സ്, മൂഡ് എന്നിവയെ സ്വാധീനിക്കുന്ന ഈ ഘടകങ്ങളുടെ അസന്തുലിതാവസ്ഥ ആസക്തി, ഏകാഗ്രത കുറവ്, ഓര്‍മ്മശക്തി തകരാറുകള്‍, വൈകാരിക ക്രമക്കേടുകള്‍ എന്നിവയ്ക്ക് കാരണമാകാറുണ്ട്.
ന്യൂറോ ട്രാന്‍സ്മിറ്ററുകളുടെ ഏറ്റക്കുറച്ചിലുകള്‍ ഫലപ്രദമായി നിയന്ത്രിക്കുവാന്‍ കഴിയുന്ന മരുന്നുകള്‍ ഫാര്‍മക്കോളജി വികസിപ്പിച്ചെടുത്തിട്ടുണ്ട്. ഈ മരുന്നുകള്‍ക്ക് പാര്‍ശ്വഫലങ്ങളുള്ളതുകൊണ്ട് മരുന്ന് ഒഴിവാക്കി മറ്റുവഴികളിലൂടെ പരിഹാരം തേടുന്ന രോഗികള്‍ അനവധിയാണ്. അവരെ ചൂഷണം ചെയ്യുന്ന സിദ്ധൗഷധലോബികള്‍ മെഡിക്കല്‍ വിദഗ്ദ്ധരെക്കാള്‍ നൂറിരട്ടിയാണ് മാര്‍ക്കറ്റില്‍.
മസ്തിഷ്കത്തിലെ ഡോപമൈന്‍, സെറോട്ടോണിന്‍ ഉല്‍പാദനവും പ്രവര്‍ത്തനക്ഷമതയും വര്‍ദ്ധിപ്പിക്കുന്ന ചില സ്വാഭാവിക ഉപാധികള്‍ പഠനത്തില്‍ വ്യക്തമായിട്ടുണ്ട്. എല്ലാവര്‍ക്കും പ്രത്യേകിച്ച് മാനസികപ്രതിസന്ധിയുള്ളവര്‍ക്ക് പരീക്ഷിച്ചുനോക്കാവുന്ന കാര്യങ്ങളാണിവ. ഗുണം മെച്ചം, വില സീറോ.
വ്യായാമം
ദിവസം മുപ്പതുമിനിട്ടെങ്കിലുമുള്ള വ്യായാമം മസ്തിഷ്കത്തിലെ സെറോട്ടോണിന്‍ നിലവാരം ഉയര്‍ത്തുമെന്നും വിഷാദവികാരങ്ങളേയും നിഷേധചിന്തകളേയും ലഘൂകരിക്കുമെന്നും പഠനത്തില്‍ വെളിപ്പെടുത്തുന്നു. ചലോ ഭായ്, ചലോ...
മദര്‍ നേച്വറിനോടൊപ്പം
മനുഷ്യന്‍ 24 മണിക്കൂറും പ്രകൃതിയില്‍ നിന്നകന്ന് അടച്ചിട്ട മുറികള്‍ക്കുള്ളില്‍ കൃത്രിമവൈദ്യുതി വെളിച്ചത്തിലാണ്. സൂര്യപ്രകാശപ്രഷാളനം വൈകാരിക സ്ഥിതിയും മനസ്സിന്‍റെ ഉന്‍ഷമെഷവും വര്‍ദ്ധിപ്പിക്കുമെന്നും സെറോട്ടോണിന്‍ ഡോപമൈന്‍ ഘടകങ്ങളുടെ സമന്വയത്തില്‍ സഹായകമാകുമെന്നും ഗവേഷണഫലങ്ങള്‍ വെളിപ്പെടുത്തുന്നു. പ്രകൃതം മാറ്റാന്‍ പ്രകൃതിയിലേക്ക് മടങ്ങൂ.
മൈന്‍റ് യുവര്‍ മെനു
കഫീന്‍ സെറോട്ടോണി ഡോപമൈന്‍ ലവല്‍ ഉയര്‍ത്തുന്നതായി പഠനങ്ങളില്‍ തെളിഞ്ഞിട്ടുണ്ട്. പക്ഷേ കഫീന്‍ അമിതമാകുമ്പോഴും നിര്‍ത്തുമ്പോഴും പാര്‍ശ്വഫലങ്ങള്‍ ഉണ്ടാകാറുണ്ട്. സാല്‍മണ്‍ പോലുള്ള മത്സ്യങ്ങളില്‍ കാണുന്ന ഓമേഗ -3 സെറോട്ടോണിന്‍ നിലവാരം ഉയര്‍ത്തുന്നതായും വിഷാദാവസ്ഥ ലഘൂകരിക്കുന്നതായും നിരീക്ഷിക്കപ്പെട്ടിട്ടുണ്ട്. ഉരുളക്കിഴങ്ങ്, തവിടുകളയാത്ത ഗോതമ്പ്ബ്രഡ്, ചോളം എന്നിവയിലെ ട്രിപ്റ്റോഫാന്‍ സെറോട്ടോണിന്‍ ഉറവകളെ സജീവമാക്കുമത്രേ. ഓമേഗ -3 ആളു പുലിയാണുകേട്ടോ.
ധന്യമാണ് ധ്യാനം
ധ്യാനവും ബ്രീത്തിംഗ് എക്സര്‍സൈസും ഡോപമൈന്‍ അളവ് വര്‍ദ്ധിപ്പിക്കുന്നതായും സംഘര്‍ഷം ലഘൂകരിച്ച് ആന്തരീക സമാധാനം വര്‍ദ്ധിപ്പിക്കുന്നതായും സ്ഥിരീകരിച്ചിട്ടുണ്ട്. മനസ്സിനെ ഇളക്കി മറിക്കുന്ന ഉപാസനാരീതികളല്ല ധ്യാനം കൊണ്ട് ഉദ്ദേശിക്കുന്നത്.
നന്ദി നമസ്കാരം!
ഉപകാരസ്മരണ മസ്തിഷ്കത്തിലെ റിവാര്‍ഡ് സിസ്റ്റത്തെ സ്വാധീനിക്കുന്നതായും കൂടുതല്‍ ഡോപമൈനും സെറോട്ടോണിനും ഉദ്ദീപിപ്പിക്കുന്നതായും പഠനങ്ങള്‍ വെളിപ്പെടുത്തുന്നു. ഓരോ ദിവസവും പരിഭവങ്ങളും പരാതിയും പറയുന്നതിനു പകരം ദൈവത്തോടും മനുഷ്യരോടും നന്ദി പറയാനുള്ള മൂന്നു കാര്യങ്ങളെങ്കിലും ഡയറിയില്‍ എഴുതുമെങ്കില്‍ സന്തോഷം വര്‍ദ്ധിക്കുകയും വിഷാദം കുറയുകയും ചെയ്യുമത്രേ! ഇതിനെ' three blessing exercise' എന്നാണ് പറയുന്നത്. ബി താങ്ക്ഫുള്‍ ആന്‍റ് ഗ്രേറ്റ്ഫുള്‍!
റോള്‍ സെറ്റിംഗ്
മനസ്സില്‍ ലക്ഷ്യങ്ങളുണ്ടാവുകയും ലക്ഷ്യത്തിലെത്തുവാന്‍ പരിശ്രമിക്കുകയും വിജയിക്കുകയും ചെയ്യുമ്പോള്‍ മസ്തിഷ്കം ഡോപമൈന്‍ റിലീസ് ചെയ്യുമത്രേ! കയ്യെത്തിപ്പിടിക്കുവാന്‍ കഴിയുന്ന ലക്ഷ്യങ്ങളുമായി ജീവിതയാത്ര തുടങ്ങൂ...
മധുരിക്കുന്നോര്‍മ്മകള്‍
ദുഃഖസ്മരണകളേക്കാള്‍ ആത്മഹര്‍ഷത്തിന്‍റെപഴയ ഫയലുകള്‍ മറിച്ച് വായിക്കുമ്പോള്‍ സെറോട്ടോണിന്‍ ഫാക്ടറി പ്രവര്‍ത്തന ക്ഷമമാകുമത്രേ. 'മധുരിക്കുന്നോര്‍മ്മകളെ മലര്‍മഞ്ചല്‍ കൊണ്ടു വരൂ കൊണ്ടുപോ ഞങ്ങളെയാ മാഞ്ചുവട്ടില്‍...'
ഹാവ് സം നോവല്‍ ഐഡിയാസ്
പുത്തന്‍ അനുഭവങ്ങളോട് മസ്തിഷ്കം പ്രതികരിക്കുന്നത് കൂടുതല്‍ ഡോപമൈന്‍ ചുരത്തിയാണ്. ആവര്‍ത്തനവിരസതയുടെ തടവറവിട്ട് പുത്തന്‍ അനുഭവങ്ങളിലേക്കും അഭിരുചികളിലേക്കും പഠനങ്ങളിലേക്കും കടന്നു ചെല്ലൂ.
സൈക്കോതെറാപ്പി
സൈക്കോ തെറാപ്പിയിലൂടെ വൈകാരികാവസ്ഥ ക്രമപ്പെടുത്തി മനോഭാവങ്ങള്‍ അനുകൂലമാക്കി മാറ്റുമ്പോള്‍ സെറോട്ടോണിന്‍റെ സംസ്ലേഷണം മസ്തിഷ്കത്തില്‍ നടക്കുകയും വിഷാദമേഘങ്ങള്‍ പറന്നകലുകയും ചെയ്യും. മരുന്നുപോലെ പ്രധാനമാണ് മനശ്ശാസ്ത്ര ചികിത്സയും.
ഈ സമീപനങ്ങളൊക്കെ മസ്തിഷ്കത്തിലെ ന്യൂറോട്രാന്‍സ്മിറ്ററുകളെ ഉദ്ദീപിപ്പിക്കുന്നതായി കണ്ടിട്ടുണ്ട്. എന്നാല്‍ അത് മെഡിക്കല്‍ കെയറിന് പകരമല്ല. മനോരോഗ വിദഗ്ദ്ധരുടെ മാര്‍ഗ്ഗനിര്‍ദ്ദേശത്തോടൊപ്പം ഈ ഉപാധികളും പരിഗണിക്കുന്നത് സ്വാഗതാര്‍ഹമാണ്.
മരുന്നുകഴിക്കുന്നതിലും സൈക്കോതെറാപ്പി സ്വീകരിക്കുന്നതിലും ലജ്ജിക്കേണ്ട കാര്യമില്ല. ശരീരത്തിലെ മറ്റവയവങ്ങളുടെ ചികിത്സപോലെ സാധാരണവും അത്യന്താപേക്ഷിതവുമാണ് മസ്തിഷ്കത്തിലെ രാസഘടകങ്ങളുടെ അസന്തുലിതാവസ്ഥയ്ക്കുള്ള ചികിത്സയും.
reference:
Young, S.N. (2007). How to increase serotonin in the human brain without drugs. Journal of Psychiatry and Neuroscience, 32(6), 394-399.
